Agar aap online kisi ko paise bhejte (Fund Transfer karte) hain ya kisi ko bhugtaan (Payment) karte hain ya phir mobile recharge karte hain to aapke liye 'Google Pay' app sabse behtar sabit hoga. Yeh app Google dwara sanchaalit kiya jaata hai, is app ko khaaskar India ke liye banaya gya hai, taaki UPI aur cashless economy ko badhava mile. Google Pay digital payment ko aasan banata hai. Google ne iska naam pehle 'Tez' rakha tha, baad me isko Google Pay kar diya.




Tez iska naam isliye rakha gya tha kyunki isse bahut aasan tareeke se aur bahut jaldi bhugtaan ho jaata hai.
Is app ko koi bhi vyakti bahut aasani se istemal kar sakta hai, kyunki iska interface bahut hi aasan aur simple hai. Is app ko istemal karne me aapko kisi bhi tarah ki koi dikkat nahi aayegi. 
Ab baat karte hain iski khasiyat ki.

Kya Khas Hai 'Google Pay' Mein?


Google Pay se aap bahut aasani se aur bahut jaldi kisi ko payment kar sakte hain, ya recharge kar sakte hain.
Google Pay se Payment karne mein bilkul bhi time nahi lagta hai bas chutkiyon mein aap kisi bhi tarah ke transaction kar sakte hain. Isse aapke samay ki bachat hoti hai, aur aapko kisi tarah ki koi dikkat bhi nahi aati hai.
Is app me aapko offers bhi milte rahte hain, jismein aapko payment karne par rewards diye jaayenge. Iske alawa agar aap yeh app kisi ko refer karte hain aur woh aapke referral code se is app ko join karta hai to aapko 51 diye jaate hain.
Aap apne referral code se doosron ko yeh app join karwa ke acchi kamai kar sakte hain. Ismein keval join karwaane wale ko hi paise nahi milte hain, balki jo join karta hai usko bhi 51 milte hain. To agar aapko bhi is app pe join hona hai aur aapko bhi 51 chahiye to is link se Google Pay app download karen aur register karen. Ya phir is code (Eu98A) ka istemal karen.
Ab baat karte hain iske features ki, ki is app se hum kya kya kar sakte hain.

Google Pay App Features


Is app me aapko bahut saari suvidhaayen milengi, jinki madad se aap aasani se kisi bhi tarah ka transation kar sakte hain.

Is App Aap Mein:
  • Mobile Recharge
  • Bill Payment
  • Bank Transfer
  • UPI ID or QR
  • Phone Number
ki suvidha mil sakti hai. Is app se aap Mobile Recharge kar sakte hain, Bill ka bhugtaan kar sakte hain, kisi bhi Bank mein paise transfer kar sakte hain. UPI ID aur QR Code dwara kisi ko bhugtaan kar sakte hain, Phone Number par paise bhej sakte hain.
Iske alawa aap ticket booking bhi kar sakte hain, chaahe woh Movie Ticket ho, Bus Ticket ho, Train Ticket ho Air Ticket ho, ya Hotel Booking wagera sab kar sakte hain.
Iske alawa bahut saari companiyan hain jahan aap Google Pay dwara bhugtaan kar sakte hain.


Google Pay bilkul kisi messaging app ki tarah hai, agar koi Google Pay pe registered ho aur uska number aapke mobile phone me save ho, aur aap bhi Google Pay istemal kar rahe hon to jitne bhi log Google Pay ka istemal kar rahe honge un sabhi ka contact aapke Google Pay me dikhai dega. Aur agar Google Pay istemal karne walon ko paise bhejne hon to yeh bahut hi aasaan hota hai, bilkul WhatsApp ke message ki tarah bas aapko ek Pay ka option chooose karke amount daalkar bhejna hota hai, aur turant paise pahunch jaate hain. Pay ke alawa aap unse paise ki request bhi kar sakte hain jo Google Pay istemal kar rahe hon. Is app se na keval aap paise bhej sakte hain balki aap paise manga bhi sakte hain.
Yeh app direct aapke bank khaate se juda hota hai isliye saare transactions aapke bank khaate se hote hain. Agar aap bhugtaan karte hain to aapke bank se hi paise jaate hain, aur agar koi aapko bhugtaan karta hai ya paise bhejta hai to woh paise bhi seedha aapke bank khaate mein chale jaate hain. 
Google Pay app me kisi tarah ka koi amount ya balance nahi hota hai aur na hi ismein kisi tarah ka amount ya balance add kiya jaa sakta hai. Is app me aapko apna bank khaata jodna padta hai, isliye is app ko istemal karne ke liye aapke paas bank khaata hona bahut zaroori hai. Iske alawa is app ko istemal karne ke liye aur kya kya hona zaroori hai yeh bhi hum aapko bata dete hain.

Is App Mein Register Hone ke Liye Zaroori hai:

  • Bank Khaata
  • ATM/Debit Card
  • Bank Khaate Mein Registered/Activate Mobile Number
Agar aapke paas yeh 3 cheezen moujood hain, to aap Google Pay par register ho sakte hain.
Yeh app aapko Google PlayStore aur Iphone ke app store me mil jayega, jahan se aap isko download kar sakte hain.