Aaj ke time mein har chote-bade kaam online ho rahe hain to phir financial transactions kyun aaj ke time mein offline honge?
Isliye aap anubhav karte honge ki ab payment aur paison ki len-den bhi online ho rahi hai. Balki Aaj ke time mein pura banking system aur banking process hi online ho gya hai. Aaj ke time mein pura banking system hi internet par nirbhar hai. Kyunki Online maadhyam aur Internet sabhi process ko aasan bana deta hai, isse logon ka time bhi bachta hai aur mehnat bhi. Transactions aur Payments ko aasan banane ke liye aapko bahut saari websites aur mobile apps milenge, jo online prakriya ke maadhyam se har tarah ke transactions karte hain.


PayPal sabse mashhoor Online Payment Service Provider hai, iski madad se aap kisi se payment receive bhi kar sakte hain, ya kisi ko payment transfer bhi kar sakte hain.
Phir chaahe aapko shopping ke liye payment karna ho ya kisi bhi Goods ya Services ke liye payment karna ho, PayPal se bahut aasani se turant aur safe payment kar sakte hain.
PayPal ek aisa online payment service platform hai, jiski madad se koi bhi vyakti ya business person kisi ko bhi aur kahin bhi fund transfer kar sakta hai, aur kahin se bhi aur kisi se bhi fund receive bhi kar sakta hai.

PayPal se Aapko ye Sevaayen Deta Hai:



  • Duniya ke Kai Deshon Mein Kisi Ko Bhi Paise Bhej Sakte Hain Aur Duniya ke Kai deshon se Paise ko Manga bhi Sakte Hain, jo Seedha Aapke Bank Account Mein Jaayega.
  • PayPal se Aap Payment Kar Bhi Sakte Hain Aur Payment Receive Bhi Kar Sakte Hain.
  • PayPal se Aap Saaman Khareed Bhi Sakte Hain, Aur Bech Bhi Sakte Hain, Isi Tarah Sevaayen Bech Bhi Sakte Hain Aur Khareed Bhi Sakte Hain.
  • Fund Transfer Bhi Kar Sakte Hain Aur Fund/Donation Receive Bhi Kar Sakte Hain.
  • Merchant ko Payment Bhi Kar Sakte Hain Aur Payment Le Bhi Sakte Hain.
  • PayPal Duniya ki 25 Currencies ko Exchange Kar Sakta Hai.
PayPal Payments ke liye bahut safe maana jaata hai, PayPal ke paas 244 Million active registered accounts hain, aur PayPal 202 Markets mein accept kiya jaata hai. Duniya ke zyadatar deshon mein PayPal ka istemaal payments lene ya dene ke liye kiya jata hai. Duniya bhar mein bahut si aisi companies hain aur merchants hain jo PayPal dwara payments ko accept karte hain. Is lehaaz se PayPal ka market bahut bada hai aur aap isko bahut saari jaghon par payment ke liye istemaal kar sakte hain.

PayPal Kiske Liye Sabse Zyada Faidemand Hai?


PayPal Business ke liye bahut faidemand hai, PayPal bade bade transactions ko bahut aasaani se handle karta hai. Aap PayPal pe Invoice bhi bana sakte hain. Business mein chunki transactions bahut zyada kiye jaate hain, zyada ka matlab bhaari amount nahi hai balki bar-bar transactions karne padte hain. Aise mein jab bar-bar payment karna padta hai to ismein kaafi dikkat aati hai aur yeh bahut time leta hai. Lekin agar PayPal se Payment karna ho ya fund transfer karna ho to yeh turant ho jaata hai, aur isse time bhi bachta hai. Aur doosri baat yeh hai ki isse bahut hi aasani se payment ho jaata hai.

Iske Alawa jo log videsh se paise mangaate hain, ya jinko baahar deshon mein paise bhejne hon unko ke liye PayPal sabse best option hai.
PayPal se aap duniya ke bahut saare deshon se paise mangaa sakte hain. Aur isi tarah duniya ke bahut se deshon me aap paise bhej bhi sakte hain.
PayPal duniya ki 25 currencies ko convert kar sakta hai. Isliye jab koi kisi doosre desh se paise bhejta hai to PayPal us currency ko convert karke jisko bhej raha hai uske desh ki currency mein convert kar deta hai.
Jaise agar koi aapko USA se paise bhej raha hai, aur aap India mein rahte hain to jab aapko USA se paise bheje jayenge to woh dollar mein honge, aur bhejne wala dollar mein bhejega, aur jaise hi paise aapke PayPal account mein aayenge woh pehle dollar mein hi show honge lekin PayPal unko Rupiah mein convert karke aapke bank account mein daal dega.
Isi tarah jab aap USA mein rahne wale kisi ko paise bhejenge to aap PayPal se Rupiah mein fund bhejenge lekin PayPal receiver ke bank account mein Rupiah ko exchange karke Dollar bhej dega.
To is tarah jinko baahar deshon se paise mangaane hote hon ya paise bhejne hote hon unke liye PayPal bahut faidemand sabit hoga.

PayPal Mein Kya Khaas Hai?


PayPal se kisi ko Payment karna bahut hi simple aur saral hai, ismein kisi ko Payment bhejne ke liye sirf uski PayPal ID yaani ki PayPal se registered email ID chahiye aur usi ke zariye aap bahut hi aasaani se kisi ko bhi Payment bhej sakte hain. Isi tarah jab koi aapko PayPal se Payment bhejta hai to usko keval aapki PayPal se registered email ID chahiye hoti hai.
Iske alawa aap PayPal me PayPal.me ki profile bana sakte hain, jiske baad aap khud ke liye ek link bana sakte hain. Aur is link ki madad se aap doosron se payment receive kar sakte hain.
Jisse aapko payment lena ho aap usko aap apne PayPal.me ka link de dijiye aur uski madad se woh aapko payment kar sakt hai. 


PayPal Account ke Liye Requirements:


  • Bank Account: Bank Account Payment Receive Karne ke Liye Zaroori Hota hai, Halaanki PayPal Par Account Banaane ke Liye Bank Account ki Zaroorat Nahi Hoti Hai. PayPal Account Ban Jaane ke Baad Aapko Apne PayPal Account Mein Apna Bank Account Link Karna Hota Hai, Jisse Payment PayPal Account se Aapke Bank Account Mein Chali Jaati Hai. Jab Koi Aapko Paise Bhejta Hai to Pehle Woh Aapke PayPal Balance Mein Aata Hai Phir Aapke Bank Account Mein Chala Jaata hai. Agar Aap Apna Bank Account PayPal se Nahi Jodte Hain to Paise Aapke PayPal Balance Mein Pade Rahenge. Aur Bank Account na Link Karne ki Wajah se Aap PayPal ki Sabhi Sevaayen Nahi Paa Sakte Hain.
  • Cedit/Debit Card: PayPal se Fund Bhejne ke Liye ya Payment Karne ke Liye Credit/Debit Card ko PayPal Account se Link Karna Zaroori Hota Hai, Iske Bina Aap Tabhi Kisi ko Paise Bhej Sakte Hain Jab Aap ke PayPal Account Mein Balance Ho.
  • PAN Card: Income Tax Department ki Taraf se Jaari Kiya Gya Personal Account Number Jisko Hum Short Mein PAN Kahte Hain, Iska Istemal Zyadatar Bank Khaaton ke Liye Kiya Jaata Hai, Taaki Income Tax Department Aapke Har Chote Bade Financial Transaction Par Nazar Rakh Sake. PayPal Par Bhi Financial Transactions hi Kiye Jaate Hain, Isliye PayPal Account ke Liye PAN Card ka Hona Zaroori Hai. Taaki Aap Baadharahit Sevaaon ka Laabh le Saken.

PayPal Kaise Kaam Karta Hai?


PayPal par register hone ke baad aapko PayPal mein apna bank account link karna padta hai, aur sath hi aapko apna Debit Card ya Credit Card bhi link karna padta hai. Aisa isliye hota hai kyunki jitne bhi tansactions hote hain woh directly aapke bank account se hote hain.
Jaise agar koi aapko paise bhejta hai to paise aapke PayPal account mein jaane ke baad aapke bank account mein chale jaate hain, jahaan se aap usko nikaal sakte hain.
Credit/Debit Card isliye PayPal mein link karna padta hai, kyunki PayPal se aap jitne bhi payment karenge woh sab aapke Credit Card ya Debit Card se honge. Ek bar jab aap apne PayPal Account mein apna bank account aur Credit Card ya Debit Card add karte hain to aap kisi bhi tarah ka transaction kar sakte hain. Bank Account link hone ke baad verification mein thoda time lagta hai, verification ke baad aap kahin se bhi payment recieve kar sakte hain. Debit Card mein aap domestic card jaise RuPay ke Debit Card ko nahi add kar sakte hain, ya aap RuPay ka wo Debit Card add kar sakte hain jismein international transactions enable ho. RuPay ke aise Debit Card jismein international transactions enable hoti hai unko Discover, Diners Club aur Pulse Card ki jagah istemal kiya jaa sakta hai, kyunki yeh sabhi RuPay Card ki sahyogi company hain. Filhal PayPal mein keval 4 tarah ke Credit/Debit Card accept kiye jaate hain, Visa, American Express, MasterCard aur Discover.
Ek bar jab PayPal account mein Credit/Debit Card add ho jata hai aur Bank Account link ho jaata hai to jitne bhi transaction, jitne bhi paison ki len-den hoti hai woh sab aapke Credit/Debit Card aur Bank Account se hoti hai.
Jaise agar aap apna Bank Account PayPal se link karte hain to agar aapko koi PayPal se aapke PayPal email ID par paise bhejta hai to paise pehle aapke PayPal account mein aayenge phir woh aapke bank account mein chale jaayenge. 
Isi tarah jab aapna Credit Card PayPal account mein add kar denge aur jab aap kisi ko PayPal se paise bhejenge ya payment karenge to paise aapke Credit Card se katenge. Aur Credit Card ke bill mein aayenge. 
Isi tarah jab aap apna Debit Card apne PayPal account se lnik karte hain to jab aap kisi ko PayPal se paise bhejenge to paise aapke us bank account se katenge jisse aapka Debit Card link hai.
To kuch is tarah se kaam karta hai PayPal.