What is Axis ASAP Account?

Axis ASAP Account Kya Hai?




Axis ASAP account ek Digital Savings Account hai, jisko aap kahin bhi kabhi bhi apne Aadhar Card aur PAN Card ki madad se aasaani se khol sakte hain. Is account ko kholne ke liye aapko Axis Bank ki branch mein jaane ki zaroorat nahi padti hai, isko aap ghar baithe online khol sakte hain. Yeh account sirf  3 quick-click steps ke sath turant khola jaa sakta hai. Yeh account aap Axis Bank ki website se ya Axis Bank ke Mobile App 'Axis Mobile' se badi aasaani se khol sakte hain.
Is account mein aapko banking ki saari suvidhaayen milengi, jo ki aapko ek Regular Savings Account mein milti hain. 
Axis ASAP account ek Zero Balance Bank Account hai, jisko Zero Balance se khola jaa sakta hai, aur ismein aapko Monthly Average Balance bhi maintain karne ki zaroorat nahi hai. Ismein kisi bhi prakaar ka Minimum Balance rakhne ki zaroorat nahi hai. Minimum Balance na rakhne par aap se koi charge bhi nahi liya jaayega.
Yeh e-KYC based account hai, jo Aadhar Authentication se kholaa jaata hai. Kyunki yeh account e-KYC par aadharit hai isliye aapka mobile number aapke aadhar me register hona chahiye.

Is Account ko Kholne ke Liye Eligibility (Yogyata) Kya Hai? 


Har woh vyakti jo India ka nivaasi hai, aur uski age 18 saal se upar hai, aur saath hi Aadhar Card aur PAN Card bhi hona chahiye. 

Is Account ko Kholne ke Liye Eligibility Criteria:


  • Aadhar Card Hona Chahiye
  • Mobile Number jo Aadhar Card Mein Register ho
  • PAN Card Hona Chahiye
  • Indian Resident (Nivaasi) Hona Chahiye
  • Age 18 Saal se Upar Honi Chahiye

Axis ASAP Account ki Limitations (Seemaayen):


Bina Full KYC ke is account mein maximum Rs. 1 lakh tak ka amount deposit kiya jaa sakta hai, is khaate mein kisi bhi time 1 lakh tak rakha jaa sakta hai.
Aur is account mein aap maximum Rs. 2 lakh tak pure saal mein rakh sakte hain, jabki Rs. 1 lakh tak aap kabhi bhi rakh sakte hain. Bina Full KYC ke aap Rs. 1 lakh tak apne account mein rakh sakte hain. Aur kul milaakar Rs. 2 lakh tak ka transaction kar sakte hain, agar isse zyada ka transaction aap karna chahte hain to aap apne account ki Full KYC karaani hogi. Jiske baad sabhi limitations hata li jaayengi aur aap jitna amount chaahen apne account mein rakh sakte hain, jitne transactions aapko karne hon kar sakte hain.

Axis ASAP Account ke Liye Full KYC Kaise Karaayen?


Iske liye pehle aapko Axis Bank ki kisi bhi nazdeeki branch mein jaana hota tha, saath mein aap apna Aadhar Card aur Apna Axis ASAP Account ka Account no. lekar jaana hota tha, jahan Axis Bank ke executive Biometric Device ki madad se aapke angoothe ya ungli ka impression (nishaan) lekar aapke Aadhar ki details ko authenticate (pramaanit) karte the. 
Lekin ab bank ne apne niyam badal diye hain, KYC karaane ke liye ab se aapko Axis Bank ki kisi bhi nazdeeki branch mein apna Aadhar Card aur PAN Card lekar jaana hoga, sath hi unki ek-ek photocopy bhi lekar jaana hoga aur KYC ke liye form bharna hoga, form submit ho jaane ke baad aapka Axis ASAP account Full KYC wala account ho jaayega. Jab aapka account upgrade hokar Full KYC account ho jaayega to aapko kisi bhi prakaar ki baadha nahi aayegi, aur aapki sabhi sevaaon ka bharpoor labh le sakte hain. Account kholne ke baad aapko 12 maheene ka time diya jaata hai, Full KYC karaane ke liye 12 maheene ke andar aapko Full KYC branch jaakar karaana hota hai, nahi to aapka account freeze kiya jaa sakta hai.

Axis ASAP Account ke Faide:



  • Digital Bank Account Hai, Jisko Bina Branch Gaye Online Khol Sakte Hain.
  • Zero Balance Account Hai Jismein Kisi Prakaar ka Minimum Balance Rakhne ki Zaroorat Nahi Hai.
  • Free Virtual Visa Debit Card Milega, Jisko Online Payments ke Liye Istemaal Kar Sakte Hain.
  • Free Mein Account Statement, Online Bill Payments Aur Online Fund Transfer, Jaise NEFT/IMPS RTGS Milega.
  • Kahin Bhi Kisi Bhi Time Online FD/RD Book Kar Sakte Hain.
  • Mobile Recharge Kar Sakte Hain, Flight Ticket, Bus Ticket, Train Ticket Aur Hotel Bhi Book Kar Sakte Hain.
  • Aap Visa Platinum ka Debit Card Bhi le Sakte Hain, Jiska Issuance Charge Rs.300 + GST Hai, Aur Annual Fees Rs. 500 + GST Hai.

Kya Axis ASAP Account Regular Savings Account ki Tarah hi Hota Hai?


Yeh bilkul aam bachat khaate ki tarah hi hota hai, Regular Savings Account aur Axis ASAP Account mein bas charges ka fark hai, baaki jitni sevaayen aur suvidhaayen aapko Regular Savings Account par milti hain woh sabhi aapko Axis ASAP Account par bhi milengi.
Is account mein aapko Passbook bhi diya jaayega aur Debit Card bhi diya jaayega, jo Visa Platinum Card hoga. Iske alaawa aapko Chequebook bhi diya jaayega, aap branch se Demand Draft, Pay Order bhi banwa sakte hain. Fund transfer jaise NEFT, RTGS aur IMPS aap online aur offline dono tareeke se kar sakte hain. Fund transfer online karne par koi charge nahi lagega, lekin agar branch se karte hain to uska charge lagega.
Regular Savings Account aur Axis ASAP Account charges ke alaawa koi fark nahi hai, chunki Axis ASAP Account Zero Balance Account hai isliye ismein kuch services ke Regular Savings Account ki tulna mein zyada charge liye jaate hain.
Agar aapko Axis ASAP Account ke charges ke baare mein jaanna hai to ispe click karen. Axis ASAP Account All Fees & Charges

Axis ASAP Account Mein Paise Kaise Jamaa Sakte Hain?


Axis ASAP Account mein aap online aur offline dono tarah se paise add kar sakte hain, offline mein aap bank branch mein jaakar apne account mein paise deposit kar sakte hain, lekin iske charge lagte hain. Lekin agar aap Online paise deposit karte hain to koi charge nahi liya jaayega. Online Mode se paise add karne ke kai tareeke hain, jaise Net Banking, ya kisi doosre account se NEFT IMPS ityaadi. Kisi bhi payment gateway se aap is account mein paise deposit kar sakte hain, Debit Card aur Credit Card ka istemaal karke bhi aap paise add kar sakte hain.