Kya aapko bhi State Bank of India ka naya Debit/ATM Card mila hai? Agar aap bhi State Bank of India ke khatadharak (Account holder) hain aur aapke bank ne aapko naya Debit/ATM Card issue kiya hai to aapko bata den ki us Debit/ATM Card ko istemaal karne ke liye pehle usko activate karna hota hai. Kyunki bina activate kiye Debit/ATM Card ko istemaal nahi kiya jaa sakta hai aur usse koi bhi payment nahi ho sakta hai.
Isliye naye Debit/ATM Card ko istemaal karne ke liye humen usko activate karna padta hai.
State Bank of India ke Debit/ATM Card ko aap apne branch se bhi activate kara sakte hain, ya ATM se bhi activate kar sakte hain aur Internet Banking se online bhi activate kar sakte hain.
Branch se ya ATM se Debit/ATM Card activate karne ke liye aapko branch ya ATM jaana padega. Lekin Internet Banking se activate karne ke liye aapko kahin jaane ki zaroorat nahi padegi.
To is post mein hum aapko batayenge ki kaise aap bina ATM ya branch gaye apne State Bankof India ke Debit/ATM Card ko Internet Banking ki madad se online activate kar sakte hain. Lekin iske liye State Bank of India ki Internet Banking seva registered/activate honi chahiye. To agar aapne State Bank of India ki Internet Banking ke liye registration kar liya hai aur State Bank of India ki Internet Banking ko activate kar chuke hain to aap Internet Banking ki madad se Debit/ATM Card ko activate kar sakte hain.

Yeh bhi padhen:
State Bank of India apne customers ko Internet Banking ke zariye aisi suvidhayen deta hai ki jisse aapko branch jaane ki zaroorat hi nahi padti hai, aur aap ghar baithe hi apni banking ki sabhi zarooraton ko Internet Banking se pura kar sakte hain.

Baharhaal is post mein hum aapko yeh batayenge ki State Bank of India ki Internet Banking ke zariye State Bank of India ke Debit/ATM Card ko kaise activate kiya jaata hai.
To agar aap State Bank of India ki Internet Banking ke liye registeration kar chuke hain aur Internet Banking activate ho chuki hai to aapko in Steps ko follow karna hai, aur aap apne SBI ke Debit/ATM Card ko aasani se activate kar lenge.

Step 1: Sabse pehle aapko State Bank of India ki Internet Banking ki official website (onlinesbi.com) par visit karna hoga. 
Uske baad aapko Personal Banking mein Login karna hai, iske liye aapko 'LOGIN' par click karna hoga. 'LOGIN' par click karne ke baad aapko apne Internet Banking ka 'Username' (ID) aur 'Password' daalna hai. Username aur Password daalne ke baad aapko 'Login' par click karna hoga.





Step 2: 'Login' par click karne ke baad aap SBI ki Internet Banking mein login ho jaayenge. Internet Banking mein login hone ke baad aapko 'e-Services' par jaana hoga, uske liye aapko 'e-Services' par click karna hai. 'e-Services' par click karne par ek drop down list khulegi yahan aapko kai saare options dekhne ko milenge, lekin aapko 'ATM Card Services' par click karna hai.





Step 3: 'ATM Card Services' par click karne ke baad ek naya page open hoga, aur aapko yahan kai saare options nazar aayenge, lekin yahan aapko 'New ATM Card Activation' par click karna hai.





Step 4: 'New ATM Card Activation' par click karne ke baad aap se aapka ATM Card Number manga jayega. Yahan aapko apne Debit/ATM Card ka Number enter karna hoga, aur isko do bar enter karna hoga jaisa ki aap do box dekh rahe honge. To yahan aapko apne Debit/ATM Card ka Number enter aur re-enter karna hai aur uske baad 'Activate' par click karna hai.





Step 5: 'Activate' par click karne ke baad aapko apni details ko verify karna hai to aapko aapke dwara di details dikhai jayengi, isko aap theek se check kar sakte hain, aur agar sab kuch sahi hai to aapko 'Confirm' par click karna hoga.




 'Confirm' par click karne ke baad aapke mobile number par bank dwara ek OTP bheja jayega, aur wahi OTP aap se yahan maanga jayega, to woh OTP aap yahan daal dijiye. OTP daalne ke baad aapko 'Confirm' par click karna hoga.



'Confirm' par click karne ke baad aapka Debit/ATM Card activate ho jayega, aur jaisa ki aap dekh rahe honge ki humen bataya bhi jaa raha hai ki 'Atm card has been activated successfully' yaani ki humara ATM Card safaltapoorvak sakriya kar diya gya hai.
To is tarah se Internet Banking ki madad se hum apne State Bank of India ke Debit/ATM Card ko online activate karte hain.
Humen ummid hai ki humara yeh psot aapke liye helpful (sahaayak) raha hoga, aur humare dwara di gai yeh jaankari aapko pasand aayi hogi.
Agar phir bhi aapko koi problem aati hai to aap neeche comment karke apni problem ko bata sakte hain, hum jald se jald aapki madad karne ki koshish karenge.